సినిమా వార్తలు
‘వారణాసి’పై జేమ్స్ క్యామెరూన్ ఆసక్తి? రాజమౌళిని స్వయంగా అడిగిన హాలీవుడ్ లెజెండ్!
జేమ్స్ క్యామెరూన్ పేరు వినిపించగానే హాలీవుడ్ స్కేల్, గ్లోబల్ విజన్ గుర్తుకు వస్తాయి. అలాంటి దర్శకుడు ఇప్పుడు రాజమౌళి ‘వారణాసి’పై ప్రత్యేక ఆసక్తి చూపించడం సినీ వర్గాల్లో హాట్ టాపిక్గా మారింది. ఇప్పటికే RRRను ఓపెన్గా ప్రశంసించిన క్యామెరూన్, ఈసారి రాజమౌళి చేస్తున్న నెక్స్ట్ ప్రాజెక్ట్ గురించి స్వయంగా ఆసక్తిగా అడగడం ‘వారణాసి’ క్రేజ్ ఏ స్థాయిలో ఉందో చెప్పే సంకేతంగా మారింది.
ఇటీవల భారతదేశంలో ‘Avatar: Fire and Ash’ ప్రమోషన్స్లో భాగంగా జరిగిన వీడియో ఇంటరాక్షన్లో ఈ ఆసక్తికర ఘట్టం చోటు చేసుకుంది. సరదాగా మొదలైన మాటలు క్రమంగా ‘వారణాసి’ వైపు మళ్లాయి. రాజమౌళి ప్రస్తుతం ఏ సినిమా చేస్తున్నారో అని అడిగిన క్యామెరూన్, దాని గురించి వింటూనే మరింత క్యూరియాసిటీ చూపించారు. అంతేకాదు, హైదరాబాద్లో ‘వారణాసి’ షూటింగ్ సెట్స్ను చూడాలనుందని కూడా చెప్పారు. సినిమాలో పులులు లేదా వైల్డ్ యాక్షన్ సీక్వెన్స్లు ఉంటే, సెకండ్ యూనిట్ డైరెక్టర్గా కూడా హెల్ప్ చేస్తానంటూ క్యాజువల్గా చేసిన కామెంట్ ఇప్పుడు సోషల్ మీడియాలో వైరల్ అవుతోంది.
ఈ ఒక్క మాటతోనే ‘వారణాసి’ గ్లోబల్ బజ్ మరో లెవెల్కు వెళ్లింది. మహేష్ బాబు, ప్రియాంక చోప్రా లీడ్ రోల్స్లో తెరకెక్కుతున్న ఈ సినిమా ఇప్పటికే భారీ స్కేల్తో, ఇంటర్నేషనల్ ఆడియన్స్ను దృష్టిలో పెట్టుకుని రూపొందుతోంది. ఇప్పుడు జేమ్స్ క్యామెరూన్ లాంటి దర్శకుడి నుంచి వచ్చిన ఈ రియాక్షన్, సినిమాపై ఉన్న అంచనాలను మరింత పెంచింది. 2027లో విడుదలకు సిద్ధమవుతున్న ‘వారణాసి’పై హాలీవుడ్ స్థాయి ఆసక్తి మొదలైందని ట్రేడ్ వర్గాలు చర్చించుకుంటున్నాయి.
ఇదిలా ఉండగా, జేమ్స్ క్యామెరూన్ ప్రతిష్టాత్మక చిత్రం ‘Avatar: Fire and Ash’ 2025 డిసెంబర్ 19న థియేటర్లకు రానుంది. ఆ సినిమా ప్రమోషన్ మధ్యలోనే ‘వారణాసి’ పేరు ఇలా వినిపించడం, రాజమౌళి ఈసారి నిజంగానే గ్లోబల్ గేమ్ ఆడుతున్నాడని స్పష్టంగా చెబుతోంది. ఇప్పుడే ఇంత హైప్ ఉంటే, ‘వారణాసి’ నుంచి వచ్చే ప్రతి అప్డేట్ ఇంకెంత దుమారం రేపుతుందో అన్నదే అసలు క్యూరియాసిటీ.
