ఇస్మార్ట్ శంక‌ర్‌తో మళ్లీ ఊపులోకి వచ్చినట్టే అనిపించిన పూరి జగన్నాథ్, తర్వాత వరుసగా వచ్చిన లైగర్ , డబుల్ ఇస్మార్ట్ ఫెయిల్యూర్స్ వల్ల ఒక్కసారిగా కష్టాల్లో పడ్డారు. కానీ పూరి ఎప్పుడూ ఓడిపోడు, తడబడతాడు గానీ మళ్లీ లేస్తాడు. ఇప్పుడు అదే మూడ్‌లో ఉన్నారు. ఈసారి సరదాగా కాకుండా చాలా పద్ధతిగా, ఓల్డ్ పూరి స్టైల్‌ని కొత్త రీతిలో రీక్రియేట్ చేయాలనే పట్టుదలతో ముందుకు వెళ్తున్నారు. ఆ క్రమంలోనే సర్ప్రైజింగ్ కాంబోగా విజయ్ సేతుపతితో ఓ కొత్త సినిమా మొదలుపెట్టారు. ఈ సినిమాకు టైటిల్ ఫిక్స్ చేసారని తెలుస్తోంది.
దర్శకుడు పూరి జగన్నాథ్, విలక్షణ నటుడు విజయ్ సేతుపతి కాంబినేషన్‌లో ఓ భారీ పాన్ ఇండియా సినిమా తెరకెక్కుతోంది. తెలిసిందే. ఈ కలయికనే చూసి ప్రేక్షకులు “ఇది నిజంగా పూరి కదా?” అనిపించేంతగా యూనిక్‌గా ఉందని చెప్పుకుంటున్నారు ఇండస్ట్రీలో. కేవలం స్టార్ పవర్‌కోసం కాకుండా కథకోసం, ఆరంభం నుంచే స్పష్టమైన విజన్‌తో పూరి ముందుకెళ్తున్నాడని టాక్‌. ఇప్పటికే కొంత షూటింగ్ కూడా పూర్తయింది. రషెస్ చూసి పూరి తానే నమ్మకంగా “ఇది వర్కౌట్ అవుతుంది” అని చెప్పుకున్నాడట.
ఇక టైటిల్ విషయంలో మాత్రం పూరి క్లాసిక్ టచ్ చూపిస్తున్నాడు. “భవతి భిక్షాందేహీ” అనే పేరు సీరియస్‌గా పరిశీలనలో ఉంది. యాచకుడి స్థితి, మనిషి గర్వం, జీవితంలో దొరకని తృప్తి—ఇవన్నీ కలిసిన ఆ పదంలోనే ఉన్నాయి. పూరి ఎప్పుడూ తన సినిమాల్లో హీరోకి హంగ్రీ ఆట్టిట్యూడ్ ఇస్తాడు. ఈసారి నిజంగానే ఆ అర్థంలో ‘భిక్ష’ అనే ఆలోచనను మెయిన్ కాన్సెప్ట్‌గా మలచబోతున్నాడట. అంటే హీరో కేవలం బ్రతకడానికి కాకుండా, సమాజం నుంచి గౌరవం, గుర్తింపు, ప్రేమ—ఇవన్నీ భిక్ష లా అడుగుతూ పోరాడతాడు. అదే టైటిల్‌ను జస్టిఫై చేస్తూ కథను బలంగా నడిపే ప్రయత్నం జరుగుతోందని ఇన్‌సైడ్ టాక్‌.
పూరి స్టైల్‌లో చెప్పాలంటే—
“ఈసారి బతకడమే కాదు…
ప్రతీ ఊపిరి భిక్ష కంటే గొప్పదని నిరూపించబోతున్నాం.”
పూరి కనెక్ట్స్ బ్యానర్‌పై పూరి జగన్నాథ్, ఛార్మి కౌర్ ఈ చిత్రాన్ని నిర్మిస్తున్నారు. ఇప్పటికే నటీనటులు, సాంకేతిక నిపుణుల ఎంపిక పూర్తయింది. తొలి షెడ్యూల్‌లోనే విజయ్ సేతుపతితో పాటు ఇతర ప్రధాన తారాగణం పాల్గొననున్నారు. ఈ సినిమాలో ప్రముఖ నటి టబు, కన్నడ నటుడు దునియా విజయ్ కీలక పాత్రలు పోషించనున్నట్లు చిత్ర వర్గాలు వెల్లడించాయి.
కథకు అనుగుణంగా విజువల్స్‌పై ప్రత్యేక శ్రద్ధ పెడుతున్న పూరి జగన్నాథ్, సాంకేతిక అంశాల్లోనూ రాజీ పడకుండా సినిమాను ఉన్నత స్థాయిలో రూపొందించేందుకు ప్రణాళికలు సిద్ధం చేస్తున్నారు. తెలుగు, తమిళం, కన్నడ, మలయాళం, హిందీ భాషల్లో ఈ సినిమాను ఏకకాలంలో విడుదల చేయనున్నారు. కాగా, విజయ్ సేతుపతి నటించిన తాజా తమిళ చిత్రం ‘ఏస్’ ఇటీవలే విడుదలై ప్రేక్షకులను ఆకట్టుకుంటోంది.
