“సంక్రాంతి” అంటే తెలుగు రాష్ట్రాల్లో కేవలం పండుగ కాదు… సినిమా థియేటర్లకు ఉత్సాహం,ఊపు ! కోట్ల రూపాయల బిజినెస్, హౌస్‌ఫుల్ బోర్డుల రచ్చ, ఫ్యాన్స్ ఊరేగింపులు… ఇదే సంక్రాంతి స్పెషలిటీ. ఇప్పుడు ఆ రచ్చ మళ్లీ రెడీ అవుతోంది.
ఇండస్ట్రీలో వినిపిస్తున్న తాజా అప్‌డేట్స్ ప్రకారం, 2026 సంక్రాంతికి మళ్లీ బ్లాక్‌బస్టర్ క్లాష్ సెటవుతోంది – త్రివిక్రమ్ శ్రీనివాస్ vs అనిల్ రావిపూడి!
2020 రిపీట్ అయేనా?
గతంలో, 2020 సంక్రాంతి టాలీవుడ్ హిస్టరీలో ప్రత్యేకంగా నిలిచింది.
త్రివిక్రమ్ – ‘అల వైకుంఠపురములో’
అనిల్ రావిపూడి – ‘సరిలేరు నీకెవ్వరు’
రెండూ రికార్డులు బద్దలు కొట్టాయి. కలిపి దాదాపు 400 కోట్లకు పైగా గ్రాస్ కలెక్షన్స్ సాధించి, సంక్రాంతి బాక్సాఫీస్‌ను ఊపేసాయి.
అదే మ్యాజిక్ మళ్లీ రిపీట్ కావడం ఖాయమనిపిస్తోంది.
త్రివిక్రమ్ vs అనిల్ రావిపూడి 2026 సంక్రాంతికి ఎలా?
- అనిల్ రావిపూడి – చిరంజీవి సినిమా:
ఇప్పటికే అధికారికంగా ప్రకటించారు. ఈ నెలలో షూటింగ్ ప్రారంభమై, 2026 జనవరి రిలీజ్ టార్గెట్. - త్రివిక్రమ్ – వెంకటేశ్ సినిమా:
అల్లు అర్జున్ ప్రాజెక్ట్ డిలే కావడంతో త్రివిక్రమ్ ఈ గ్యాప్‌ను వదలకుండా, వెంకీతో సినిమా ప్లాన్ చేస్తున్నాడు. ఇండస్ట్రీ టాక్ ప్రకారం, జూన్‌లో షెడ్యూల్ మొదలు పెట్టి, సంక్రాంతి రిలీజ్ కోసం రెడీ అవుతున్నారు.
బయ్యర్లకు బంపర్ బోనాన్‌జా!
టాప్ డైరెక్టర్లు – టాప్ హీరోలు కలయికలో వచ్చే సినిమాలు అంటే బయ్యర్లకు బిజినెస్ పండుగే! సంక్రాంతి సీజన్‌లో రెండు బిగ్ బడ్జెట్ సినిమాలు వస్తే, ఏరియా వైజ్‌గా 200–250 కోట్ల బిజినెస్ ఖాయమనే అంచనాలు ఉన్నాయి.
ఒకే తేదీకి రెండు బ్లాక్‌బస్టర్లు అంటే థియేటర్లు హౌస్‌ఫుల్, బుక్ మై షోలో పీక్ ట్రాఫిక్.
సంక్రాంతి రచ్చకి రెడీ అవ్వండి!
త్రివిక్రమ్ తన క్లాస్ స్టోరీటెల్లింగ్‌తో, అనిల్ రావిపూడి తన మాస్ హ్యూమర్‌తో మళ్లీ టికెట్ కౌంటర్ల దగ్గర యుద్ధం మొదలు పెట్టనున్నారు. 2026 సంక్రాంతి… మీకోసం ఓ సినిమా సంబరం కాదు, బాక్సాఫీస్ వీరంగం!
