ఓ లెజెండ్ మాటల వెనుక ఉన్న నిజం తెలుసుకోవాల్సిన సమయం ఇది!
“నా లాంటి సంగీత దర్శకుడు ప్రపంచంలో పుట్టలేదు, ఇకపైనా పుట్టడు!” ఇలా అన్నారనే క్లిప్ ఒకటి సోషల్ మీడియా లో వైరల్ అవుతోంది.
ఇది ఎవరు అన్నారంటే… ఇళయరాజా. సంగీత ప్రపంచంలో ఓ పర్వతం లాంటి వ్యక్తి. అన్ని భాషల్లోనూ లక్షలాది పాటలు ఇచ్చిన సంగీత బ్రహ్మ.
తను సంగీతాన్ని, పాటనే ప్రాణంగా భావించినవాడు.
ఆ ఇంటర్వ్యూ వైరల్ అవ్వడమే కాదు… అపార్థాలకు దారి ఇస్తోంది.! ఓ ఇంటర్వ్యూలో మాట్లాడుతూ – “నా లాంటి సంగీత దర్శకుడు పుట్టలేదు, పుట్టడు” అన్నారంటే, అది అసూయతో కాదు, అహంతో కాదు, తన జీవన ప్రయాణం పట్ల గర్వంతో అన్న మాట.
అయితే ఆ ఒక్క లైన్ తీసుకుని — “ఇళయరాజా మిగతా అందరిని తక్కువగా చూశాడా?” అని ట్రోల్స్ చేయడం, మీమ్స్ చెయ్యడం…
వాటికి తగిన నేపథ్యం లేకుండా స్పందించడం — మన లెజెండ్‌ను మనమే తక్కువ చేసి చెప్పుకుంటున్నట్టే కదా?
అసలు విషయం ఏమిటంటే…
ఆ ఇంటర్వ్యూలో ఆయన వివరంగా చెప్పారు:
“ఒక చిన్న గ్రామం నుంచి వచ్చి, నా జీవితంలో ఎవరూ బ్యాకప్ లేకుండా, ఒకొక సంగీత దర్శకుడి దగ్గర వర్క్ చేస్తూ, ఒక్కొక్క క్వాలిటీ నేర్చుకుని నేను సంగీత దర్శకుడిగా ఎదిగాను. నా లాంటి ప్రయాణం చేసిన వాళ్లు లేరు. అందుకే నేను ప్రత్యేకం.” అయితే ఈ భావాన్ని తెలుగులో వ్యక్తపరుస్తూ చెప్పినప్పుడు, భాషా పరిమితి వల్ల ఆ మాట అర్థం వక్రీకరించబడింది.
మాటల శబ్దం పెద్దది కాదు — మాటల వెనుక ఉన్న మానవతా కథే అసలైన సంగీతం.
ఒక లెజెండ్ మాట్లాడిన ప్రతీ మాట వెనక,
అనేక సంవత్సరాల శ్రమ ఉంటుంది.
అనేకఏళ్ల నిరాకరణ ఉంటుంది.
రెండు పదాల మౌనంలో రెండు శతాబ్దాల వెతలు ఉంటాయి.
ఇళయరాజా ఒక్క మాట చెబుతారు – కానీ
ఆ మాట వెనక వేల పాటల జీవితాలు ఉంటాయి. ఈ సమయంలో కట్ చేసిన క్లిప్పింగ్‌తో నిందించే ముందు…ఆయన చెప్పిన ప్రతి మాటను సమగ్రంగా వినాల్సిన అవసరం ఉంది.
ఒక్కొక్కరి గొంతులో ఓ గౌరవం మారుతుంది.
ఒక్కొక్క స్పందనతో ఓ చరిత్ర తిరగరాయబడుతుంది.
ఇళయరాజాను అపార్థం చేసుకోవడం కన్నా…
ఆయన సంగీతాన్ని అర్థం చేసుకోవడం బెటర్ కదా.
