‘తండేల్’తో రియలిస్టిక్ పాత్రలోకి దిగిన నాగ చైతన్య, ఇప్పుడు ఒక్కసారిగా 80 కోట్ల భారీ ఫాంటసీ అడ్వెంచర్ వైపు జంప్ చేశాడు. రాజభవనాలు, గుహలు, మిస్టికల్ ట్రెజర్ హంట్… అన్నీ సెట్ అయ్యాయి. ఈసారి లవ్ బాయ్ కాదు… మాస్ + మిస్టిక్ హీరోగా కొత్త అవతారం. “ఇంతవరకు చూడని నాగ చైతన్యని ఫ్యాన్స్‌కి షాక్ ఇస్తాడు” అంటున్నారు ఇండస్ట్రీ వర్గాలు.
‘విరూపాక్ష’తో థ్రిల్లింగ్ మిస్టరీలు చూపించిన దర్శకుడు కార్తిక్ దండు, ఈసారి చైతన్యను ఒక సామాజిక–ఫాంటసీ అడ్వెంచర్‌లో ప్రేక్షకుల ముందుకు తీసుకురానున్నారు. హైదరాబాద్‌లో ఇప్పటికే అద్భుతమైన రాజభవనాలు, గుహల సెట్‌లు వేసారు. భారీగా నిర్మిస్తున్న ఈ సినిమా బడ్జెట్ 80 కోట్లకు దగ్గరగా వెళ్ళనుంది. కథలో పురాణ గాథల స్పర్శ ఉండగా, మిస్టికల్ ట్రెజర్ హంట్ చుట్టూ నడిచే ఉత్కంఠభరితమైన యాత్రగా రూపుదిద్దుకుంటోంది.
కానీ…
- 80 కోట్ల రిస్క్ తో వచ్చినా, ఇది నిజంగా అతని కెరీర్ టర్నింగ్ పాయింట్ అవుతుందా?
- లేకపోతే “లవ్ స్టోరీ – మజిలీ” ఇమేజ్ నుండి బయటపడే ప్రయత్నం అవుతుందా?
- కార్తిక్ దండు ‘విరూపాక్ష’ మాదిరి టెన్షన్ క్రియేట్ చేయగలడా? అసలు సుకుమార్ కో-ప్రొడ్యూసర్‌గా ఎందుకు వెనక నిలబడ్డాడు అనేది కూడా పెద్ద ప్రశ్నే! మొత్తం మీద — ఈ మూవీ నాగ చైతన్యకి డేరింగ్ స్టెప్ అనేది ఫ్యాన్స్, ట్రేడ్ సర్కిల్స్‌లో హాట్ టాపిక్ అయిపోయింది. మీరు చెప్తారా? ఈ 80Cr ఫాంటసీ చైతూ ఇమేజ్ మేకోవర్ అవుతుందా లేక రిస్క్ ఓవర్‌లోడ్ అవుతుందా?
