యశ్ రాజ్ ఫిలిమ్స్ ఎంతో యాంబిషియస్ గా నిర్మించిన వార్ 2 భారీ అంచనాల నడుమ థియేటర్లలోకి వచ్చింది. హృతిక్ రోషన్, జూనియర్ ఎన్టీఆర్ లాంటి నార్త్–సౌత్ స్టార్‌లను ఒకే తెరపై చూసే అవకాశం దక్కుతుందని ప్రేక్షకుల్లో పెద్ద హైప్ క్రియేట్ అయింది. కానీ మొదటి వారం నుంచే సినిమా కలెక్షన్స్ అంచనాలకు తగిన స్థాయిలో లేకపోవడం ట్రేడ్ వర్గాలను ఆశ్చర్యపరిచింది.
ఎక్ థా టైగర్, టైగర్ జిందా హై, వార్, పఠాన్ సినిమాలు వరుస హిట్స్ కావడంతో వైఆర్ఎఫ్ స్పై యూనివర్స్ హాలీవుడ్ రేంజ్‌లో దూసుకుపోతుందని అనుకున్నారు. అయితే టైగర్ 3 సాధారణ ఫలితమే రావడంతో మొదటిసారి ఈ ఫ్రాంచైజీకి బ్రేక్ పడింది. ఆ తర్వాత భారీగా అనుకున్న టైగర్ వర్సెస్ పఠాన్ ప్రాజెక్ట్ కూడా నిలిచిపోయినట్టు సమాచారం.
ఇలాంటి పరిస్థితుల్లో రివైవల్ రోల్ వార్ 2 మీదే ఉంది. కానీ రిలీజ్ అయిన తర్వాతే ఓపెనింగ్స్ బలహీనంగా ఉండటంతో పాటు వర్డ్ ఆఫ్ మౌత్ కూడా దారుణంగా రావడంతో కలెక్షన్స్‌పై నేరుగా ప్రభావం చూపింది. ట్రేడ్ టాక్ ప్రకారం ఈ సినిమా టైగర్ 3 కంటే తక్కువ రేంజ్‌లో క్లోజ్ అయ్యే అవకాశం ఉందని అంటున్నారు.
ఈ ఫలితంతో స్పై యూనివర్స్ భవిష్యత్తుపై ప్రశ్నార్థకాలు తలెత్తుతున్నాయి. స్టార్ పవర్ ఉన్నా కూడా ప్రేక్షకులను ఆకట్టుకోలేకపోవడం ఫ్రాంచైజీకి పెద్ద షాక్‌గా మారింది. భవిష్యత్తులో స్టార్ హీరోలు కూడా ఇలాంటి ప్రాజెక్ట్‌ల్లో భాగమవ్వడానికి వెనుకాడవచ్చని సినీ వర్గాలు చెబుతున్నాయి.
ఇదిలా ఉంటే, యశ్ రాజ్ ఫిలిమ్స్ ఇప్పుడు ఫీమేల్ స్పై యూనివర్స్పై దృష్టి సారించింది. అలియా భట్, శర్వరి వాఘ్, బాబీ డియోల్ ప్రధాన పాత్రల్లో నటిస్తున్న ఆల్ఫా డిసెంబర్‌లో విడుదల కాబోతోంది. ఈ సినిమా ఫలితమే స్పై యూనివర్స్ భవిష్యత్తుకు టర్నింగ్ పాయింట్ అవుతుందని ఫిలింనగర్ వర్గాలు విశ్లేషిస్తున్నాయి.
మొత్తం మీద, టైగర్ 3–వార్ 2 ఫలితాలతో స్పై యూనివర్స్ మీద ఆసక్తి తగ్గిపోవడం స్పష్టంగా కనిపిస్తోంది. ఇప్పుడు ఆల్ఫా విజయమే ఈ ఫ్రాంచైజీ భవిష్యత్తును నిర్ణయించనుంది.
