ఇంకా పది రోజులు కూడా లేవు… జూలై 24న థియేటర్లలో విడుదలవుతోంది పవన్ కళ్యాణ్ భారీ యాక్షన్ పీరియాడికల్ “హరి హర వీర మల్లు”. కానీ ఆశ్చర్యకరం ఏంటంటే – సినిమాకు ప్రమోషన్ లేదు, బిజినెస్ డీల్స్ పూర్తవలేదు, థియేట్రికల్ హైప్ కనిపించడం లేదు!
ఈ అస్తవ్యస్త పరిస్థితుల్లో పవన్ కళ్యాణ్ స్నేహితుడు, స్టార్ డైరెక్టర్ త్రివిక్రమ్ శ్రీనివాస్ రంగంలోకి దిగారని సమాచారం. ఈ ప్రాజెక్టును ఆదుకోవడం కోసం తానే ముందడుగు వేసాడు.
చాలా డిలే… బిజినెస్ క్లారిటీ లేదు
సినిమాకు సంబంధించి థియేట్రికల్ బిజినెస్ ఇప్పటికీ పూర్తవ్వలేదు. కారణాలు స్పష్టంగా రెండు:
మొదట దర్శకుడు క్రిష్ చేసిన షూటింగ్ నుంచి చాలా డిలేలు
తర్వాత డైరెక్టర్ మార్పుతో కలెక్షన్స్‌పై ప్రభావం
దీంతో పాటు నిర్మాత ఏఎమ్ రత్నం భారీ రేట్లు అడగటంతో డిస్ట్రిబ్యూటర్లు వెనకడుగు వేస్తున్నారు.
జ్యోతి కృష్ణ డైరెక్షన్… త్రివిక్రమ్ జడ్జ్మెంట్
ప్రస్తుతం సినిమా డైరెక్షన్ బాధ్యతలు జ్యోతి కృష్ణ భుజాన వేసుకుని, పోస్ట్ ప్రొడక్షన్‌ను వేగంగా పూర్తిచేస్తున్నారు. ఇదే సమయంలో త్రివిక్రమ్ కూడా జడ్జ్మెంట్, ఎడిటింగ్, ఫైనల్ కట్ వంటి కీలక అంశాల్లో చొరవగా పాల్గొంటున్నట్టు తెలుస్తోంది.
త్రివిక్రమ్ సెలెక్టివ్‌గా సినిమాల్లో ఇన్వాల్వ్ అవుతాడు. ఆయన టేస్ట్, స్టోరీలపై గ్రిప్ అన్నీ బలంగా ఉండటంతో, డిస్ట్రిబ్యూటర్లలో నమ్మకం పెరుగుతుంది.
ప్రీ రిలీజ్ ఈవెంట్ ఈ వీకెండ్ లో?
మేకర్స్ మాత్రం ధైర్యంగా ఉన్నారు. ఈ వారం లోగా అన్ని డీల్స్ క్లోజ్ అవుతాయి, ఫైనాన్షియల్ హర్డిల్స్ క్లియర్ అవుతాయి అని నమ్ముతున్నారు. ఈ వీకెండ్‌లో గ్రాండ్ ప్రీ-రిలీజ్ ఈవెంట్ ప్లాన్ చేస్తున్నారు.
త్రివిక్రమ్ ఫ్యాక్టర్… ట్రంప్ కార్డ్ అవుతాడా?
ఇప్పటికే పవన్ సినిమాలకి త్రివిక్రమ్ వెన్నుదన్నుగా ఉంటూ చాలా సార్లు ఆయనను ఓపికగా ఫిల్మ్ మేకింగ్ వైపు మళ్లించాడు. ఇప్పుడు కూడా ‘హరి హర వీర మల్లు’ విషయంలో అదే జరుగుతోంది. అయితే… ఇది వర్కౌట్ అవుతుందా? ట్రివిక్రమ్ మార్క్ జడ్జ్మెంట్ వర్కౌట్ అయితే, సినిమా ఊహించని హైప్ పొందే అవకాశం ఉంది.
కానీ… ఇంతలో కూడా సినిమా ప్రమోషన్లు గట్టిగా స్టార్ట్ చేయకపోతే, థియేటర్లలో మొదటి షోలోనే ఫలితం తేలిపోయే ప్రమాదం ఉంది.
తమిళ్, హిందీ భాషల్లో కూడా విడుదలవుతున్న ఈ మల్టీలాంగ్వేజ్ ఫిల్మ్ చివరి క్షణంలో అయినా జోరు పెరుగుతుందా? త్రివిక్రమ్ హ్యాండ్ వర్కౌట్ అవుతుందా? డిస్ట్రిబ్యూటర్ల ధైర్యం తిరిగి రాబోతుందా? అన్నది రాబోయే వారం రోజుల్లో తేలిపోతోంది.
ఇది పవన్ కెరీర్‌లో గేమ్‌చేంజర్ అవుతుందా లేక నడిచిన బాటేనా? వేచి చూడాలి!
